Kakolanya kumng’oa Manula Stars?

Kakolanya kumng’oa Manula Stars?

5015
0
KUSHIRIKI

NA SALM MPELI


WAKATI wachezaji Taifa Stars wakiingia kambini, kocha mkuu wa timu hiyo, Emmanuel Amunike, atakuwa na mtihani wa kuendelea kumpanga kipa Aishi Manula, kutokana na kiwango kilichoonyeshwa na Beno Kakolanya katika mchezo wa Ligi Kuu Tanzania Bara, kati ya Simba na Yanga.

Katika mchezo huo uliochezwa juzi Uwanja wa Taifa, Kakolanya, alionyesha umahiri mkubwa wa kudaka na kumshawishi kocha wa Stars kuweza kumpanga katika kikosi chake cha kwanza, kinachojiandaa kucheza na  Cape Verde.

Manula ambaye alikuwa chaguo la kwanza la Amunike, huenda akaanzishwa Kakolanya kutokana na uwezo alioonyesha katika pambano la watani.

Taifa Stars wameingia kambini  kujiandaa na mchezo wa kuwania kufuzu fainali za Afrika (Afcon) dhidi ya Cape Verde, utakaochezwa Oktoba 12, mwaka huu, Mji wa Praia.

Ofisa Habari wa Shirikisho la Soka Tanzania (TFF), Cliford Ndimbo, alisema wachezaji wanaocheza ligi ya  ndani wamejiunga kambini  kabla ya kuungana na wale wanaocheza nje ya Tanzania.

Ndimbo alisema mazoezi ya Taifa Stars yanatarajia kuanza leo asubuhi kwenye Uwanja wa JMK Youth Park, jijini Dar es Salaam.

Wachezaji walioitwa kujiandaa na mchezo huo ni Aishi Manula, Salum Kimenya, Frank Domayo, Salum Kihimbwa, Kelvin Sabato, David Mwantika na Ally Abdulkarim Mtoni.

Wengine ni Mohamed Abdulrahiman, Beno Kakolanya,

Hassan Kessy, Gadiel Michael, Abdi Banda, Aggrey Morris, Andrew Vicent, Himid Mao, Mudathir Yahya, Simon Msuva, Rashid Mandawa, Farid Mussa na Mbwana Samatta, Thomas Ulimwengu, Shabani Chilunda,

Yahya zaydi, Kelvin Yondan, Paul Ngalema, Jonas Mkude, John Bocco, Shomari Kapombe, Feisal Salum na Abdallah Kheri.

HAKUNA MAONI

ACHA JIBU