POGBA WA GUINEA AIBUKIA UFARANSA

POGBA WA GUINEA AIBUKIA UFARANSA

5471
0
KUSHIRIKI

CONAKRY, Guinea


 

STRAIKA  wa timu ya Taifa ya  Guinea, Mathias Pogba, amejiunga na timu inayoshiriki Ligi Daraja la tatu nchini Ufaransa, Tours,  ikiwa ni baada ya kukaa nje ya uwanja kwa muda wa mwaka mmoja na nusu.

Nyota huyo amepata shavu hilo ikiwa ni baada ya wiki tano kukosa dili jingine nchini Ufaransa kwa kile kinachodaiwa kuwa ni ‘bonge nyanya’.

Staa huyo mwenye umri wa miaka  28, ambaye ni kaka yake kiungo mshambuliaji wa  Manchester United  na timu ya Taifa ya Ufaransa,  Paul Pogba, amejiunga na timu hiyo baada ya pia kupona majeraha  ya kifundo cha mguu ambayo yalikuwa yakimkabili.

“Nimechagua kujiunga na timu hii ya Tours, baada ya kufanya majadiliano na klabu tofauti zilizokuwa zikinitaka, lakini uongozi wa timu hii ndio unaonifahamu na ulishawishi nijiunge nao,” Pogba aliiambia tovuti ya klabu hiyo.

“Tangu Februari mwaka huu, baada ya kupona majeraha nilikuwa nikifanya mazoezi ili niweze kurejea katika kiwango changu na imenilipa kwa sababu  madaktari wamenithibitishia hilo,” aliongeza staa huyo.

Alisema kwamba kipindi alichokuwa akijiuguza kilikuwa kirefu na kigumu, lakini hakukata tamaa ya kurejea katika kiwango chake.

HAKUNA MAONI

ACHA JIBU