Friday, October 30, 2020

WACHEZAJI MBAO FC WANYANG’ANYWA SIMU

Must Read

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya...

NA DAMIAN MASYENENE, MWANZA


KIPIGO cha mabao 3-2 walichokipata Mbao FC dhidi ya Simba Aprili 10, mwaka jana katika mchezo wa Ligi Kuu Tanzania Bara, kinaonekana bado kinawanyima usingizi viongozi wa klabu hiyo hasa kutokana na mchezo wao wa leo.

Katika mchezo huo, Mbao waliokuwa wenyeji walikuwa wanaongoza kwa mabao 2-0 hadi dakika ya 82 yaliyofungwa na Evarigestus Mujwahuki na George Sangija, lakini Simba walikuja juu na kusawazisha mabao hayo.

Mabao ya Simba yalifungwa na Fredrick Blagnon na Mzamiru Yassin aliyefunga bao la ushindi dakika za lala salama, hivyo mchezo kumalizika kwa Wekundu hao wa Msimbazi kushinda mabao 3-2.

Mchezo huo ulileta simanzi katika mitaa ya Sabasaba na kupelekea mlinda mlango namba moja wa Mbao FC, Erick Ngwengwe, kusimamishwa kwa tuhuma za kuihujumu timu hiyo.

Katika kuelekea mchezo wao wa leo wa Ligi Kuu dhidi ya Simba, uongozi wa Mbao tayari umechukua tahadhari ili kuepusha hujuma kwa kuwanyang’anya simu wachezaji wake tangu Jumanne.

Wakizungumza na BINGWA baadhi ya wachezaji wa Mbao kwa masharti ya kutotajwa majina yao, walidai wamenyang’anywa simu ili kuepuka hujuma za namna yoyote pamoja na hofu ya wachezaji kurubuniwa.

Hata hivyo, Kocha Mkuu wa Mbao FC, Amri Said, alisema kikosi chake kimejiandaa vya kutosha na kipo tayari kumkabili mnyama Simba leo, huku akielezea kufurahia kurejea kwa baadhi ya wachezaji waliokosekana katika mchezo uliopita dhidi ya JKT Tanzania.

Amri ambaye pia amewahi kuichezea Simba, alisema wamekaa na wachezaji na kuzungumza nao kuhusiana na mchezo huo na pia anashukuru wameonyesha umakini katika mazoezi yao juzi katika Uwanja wa CCM Kirumba.

“Tumefanya mazoezi leo (jana), lakini tumepumzika mazoezi magumu na tumefanya ya kawaida, tumefurahi kwa asilimia kubwa kiwango ni kizuri na pia kisaikolojia tumejiandaa vyema, kikubwa ni kupata matokeo.

“Wachezaji tumekaa nao vizuri ili kurudisha akili yao sawa na hata waliokuwa majeruhi wanaendelea vizuri na hakuna atakayekosekana,” alisema Amri.

 Katika mchezo huo wa Ligi Kuu Tanzania Bara utakaopigwa kwenye Uwanja wa CCM Kirumba, Mwanza leo saa 10 jioni Chama cha Soka Mkoa wa Mwanza (MZFA), kimetangaza viingilio vya mchezo huo ambayo katika jukwaa kuu (VVIP) ni Sh 30,000, VIP Sh 20,000, mzunguko Sh 5,000 na vijana (yosso) Sh 2,500.

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika ujumbe kupitia ukurasa wake wa...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya kinda wa zamani wa timu...

Afua Suleiman afunguka ‘Utalijua Jiji’ ilivyompa ustaa mjini

NA JEREMIA ERNEST JINA alilopewa na wazazi wake ni Afua Suleiman na hata alipojitupa kwenye ulimwengu wa muziki wa...

Keche: Kundi maarufu Ghana linalowatamani Diamond, Kiba, Harmonize

JIACHIE na Staa Wako, wiki hii tumetua mpaka Accra, Ghana kwa kundi maarufu la muziki nchini humo, Keche linofanya vizuri na ngoma...
- Advertisement -

More Articles Like This

- Advertisement -