Thursday, October 29, 2020

KISA YANGA… Mbelgiji acharuka Simba

Must Read

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya...

 

NA SAADA SALIM


 

KOCHA Mkuu wa Simba, Patrick Aussems, ameonekana kukerwa na                                                                                   kitendo cha kikosi chake kushindwa kupata ushindi dhidi ya Yanga katika mchezo wa Ligi Kuu Tanzania Bara, uliopigwa Uwanja wa Taifa, Dar es Salaam juzi na hivyo kugoma kuwapumzisha wachezaji wake na badala yake kuamua kuwahenyesha vilivyo jana.

Licha ya Simba kucheza kandanda la kuvutia na kumiliki sehemu kubwa ya mchezo huo, walijikuta wakikosa nafasi zaidi ya saba za kufunga mabao, huku kikwazo chao kikubwa akitajwa kipa wa Yanga, Benno Kakolanya.

Akiamini kuwa na kikosi kilicho sheheni wachezaji wa kiwango cha juu tofauti na kilivyo cha wapinzani wao, Mbelgiji huyo anadhani wachezaji wake walizembea ndio maana walishindwa kufunga hata bao moja.

Hivyo, kocha huyo aliamua kuwapigisha kwata la maana wachezaji wake wote, wakiwamo nyota wa kigeni kwenye mazoezi yaliyofanyika Uwanja wa Boko Veterani, Dar es Salaam.

Katika mazoezi hayo ya saa moja, Aussems alionekana kuwa makini zaidi na washambuliaji wake kuhakikisha wanatumia vyema nafasi zinazotengenezwa na viungo wao, tofauti na ilivyokuwa juzi walipokosa mabao ya wazi saba.

Akizungumza na BINGWA baada ya mazoezi hayo ya jana, kocha huyo alisema ameona makosa katika mchezo huo na kuyafanyia kazi kuhakikisha washambuliaji wake wanakuwa makini kutumia nafasi wanazopata.

Alisema katika mchezo wao dhidi ya Yanga, walipata nafasi nyingi lakini washambuliaji wao hawakuwa makini kuzitumia ipasavyo nafasi hizo.

“Vijana wamecheza vizuri, lakini tumeangushwa na washambuliaji, nina imani wangekuwa watulivu na makini, tungepata ushindi kwa nafasi tulizotengeneza,” alisema.

Aussems alisema ameamua kuendelea na programu yake ya mazoezi kuhakikisha katika michezo iliyopo mbele yao, wanafanya vizuri.

Alisema kulingana na ratiba kutokuwa rafiki, anahitaji kuendelea na programu zake kwani ana muda mfupi wa kujiandaa kwani pia wanakabiliwa na michuano ya Ligi ya Mabingwa Afrika mwezi ujao.

“Kikosi kina wachezaji wazuri na vijana, tunaendelea na mazoezi yetu kwani tunahitaji kufanya vizuri huko mbele, bado mechi nyingi na nina imani tutatetea ubingwa wetu,” alisema kocha huyo.

Simba imecheza mechi sita, ikishinda tatu, sare mbili na kufungwa mchezo mmoja dhidi ya Mbao FC, hivyo kujikusanyia pointi 11, wakati Yanga walioshuka dimbani mara tano, wakishinda nne na sare moja na kujikusanyia pointi 13.

 

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika ujumbe kupitia ukurasa wake wa...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya kinda wa zamani wa timu...

Afua Suleiman afunguka ‘Utalijua Jiji’ ilivyompa ustaa mjini

NA JEREMIA ERNEST JINA alilopewa na wazazi wake ni Afua Suleiman na hata alipojitupa kwenye ulimwengu wa muziki wa...

Keche: Kundi maarufu Ghana linalowatamani Diamond, Kiba, Harmonize

JIACHIE na Staa Wako, wiki hii tumetua mpaka Accra, Ghana kwa kundi maarufu la muziki nchini humo, Keche linofanya vizuri na ngoma...
- Advertisement -

More Articles Like This

- Advertisement -