Monday, November 23, 2020

Bao la Tambwe latetewa Ulaya

Must Read

BEN POL AJA NA HIYO NDIO MBAYA

Na Mwandishi Wetu MSANII nguli wa muziki wa R&B na Bongo Fleva Benham Paul...

ZILE NI SALAM TU

NA MWANDISHI WETU KIPIGO cha mabao 7-0 walichokitoa Simba juzi kwa Coastal Union katika...

DEWJI: CHAMA NI SIMBA HADI 2022

Kiungo huyo raia wa Zambia, aliyetoa mchangomkubwakwaSimbakufikisharobo fainaliyaLigiyaMabingwaAfrikamsimuwa 2018/19, ikiwamo kutwaa ubingwa wa LigiKuuTanzaniaBarakwa misimumitatu mfululizo, awali...

NA HUSSEIN OMAR

WAKATI Waziri wa Mambo ya Ndani, Mwigulu Nchemba, akimwita faragha Amissi Tambwe wa Yanga, bao lililofungwa na mshambuliaji huyo katika mchezo wa Ligi Kuu Tanzania Bara dhidi ya Simba mwishoni mwa wiki iliyopita, limezidi kutetewa hadi huko Ulaya.

Tambwe alifunga bao hilo dakika ya 26 kwenye Uwanja wa Taifa, Dar es Salaam, baada ya kuumiliki mpira mrefu uliorushwa kutoka katikati ya uwanja na Mbuyu Twite, huku ikidaiwa aliusindikiza kwa mkono mpira huo kabla hajautia kimiani na kumwacha kipa Vincent Angban akiwa hana la kufanya.

Akizungumza na BINGWA jana, Tambwe alisema kikao chake na Waziri huyo wa Serikali ya Awamu ya Tano ya Rais John Magufuli, ni cha kawaida kikihusu masuala yao binafsi.

“Nipo njiani naelekea mjini kukutana na Mheshimiwa Waziri Nchemba kuzungumza mambo ya kawaida tu,” alisema Tambwe huku akionekana kuwa na furaha isiyo kifani kwa kupata fursa hiyo adimu.

Wakati hayo yakiendelea Dar es Salaam, mtandao wa www.dailycannon.com umelitetea bao la Arsenal lililofungwa na Laurent Koscielny dakika za lala salama kwa mkono wakati wa mchezo wa Ligi Kuu England dhidi ya Burnley, ambalo limeonekana kuzua utata miongoni mwa wapenzi wa soka duniani kote kama ilivyokuwa kwa bao la Tambwe la Jumamosi ya Oktoba mosi.

Mtandao huo umeungana na mwamuzi wa zamani, Dermot Gallagher ambaye amesisitiza kuwa bao la Koscielny alilofunga Jumapili iliyopita, lilikuwa halali japo mazingira yake yalionekana kuwa tata zaidi kuliko hata ilivyokuwa kwa lile lililowekwa kimiani na Tambwe.

Mtandao huo umesema kuwa ili iwe faulo, lazima kuonekane dhamira ya makusudi ya kuunawa mpira au kuuzuia kwa namna yoyote ile na si mpira uufuate mkono.

“Sheria za mchezo zinasema kuwa ni lazima mtu awe ameushika mpira kwa makusudi ili ihesabike faulo,” unasema mtandao huo.

Kama ilivyokuwa kwa Koscielny, Tambwe naye alionekana wazi kutokuwa na dhamira ya kuushika mpira uliopigwa kwake na Twite ambapo baada ya kumzidi ujanja Lufunga, ‘alijitengea’ kwa kifua na mpira huo kumparaza mkononi kabla ya kutua chini na mkali huyo kumchagua kipa wa Simba, Vincent Angban na kucheka na nyavu.

Kwa maelezo ya mtandao huo, kuna utofauti kati ya kuushika mpira kwa makusudi ili kubadili mwelekeo wake na mpira kubadili mwelekeo baada ya kugonga mkono wa mchezaji husika kama ilivyokuwa kwa Koscielny na Tambwe.

Katika kuongezea hilo, BINGWA lilimtafuta mmoja wa waamuzi makini nchini ambaye alisema: “Kwa mazingira kama yale, mwamuzi hawezi kupiga filimbi kirahisi labda kama ana tatizo kwani kama ni huyo Tambwe, tayari alishamwacha yule beki wa Simba aliyekuwa akimkaba, hivyo hata kama ule mpira usingemgonga mkononi, angefunga tu.”

Katika mchezo huo wa watani wa jadi ambao mwamuzi wa kati alikuwa ni Martin Saanya, timu hizo zilitoka sare ya bao 1-1, ikiwa ni baada ya winga wa Simba, Shiza Kichuya, kusawazisha bao dakika ya 87.

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

BEN POL AJA NA HIYO NDIO MBAYA

Na Mwandishi Wetu MSANII nguli wa muziki wa R&B na Bongo Fleva Benham Paul...

ZILE NI SALAM TU

NA MWANDISHI WETU KIPIGO cha mabao 7-0 walichokitoa Simba juzi kwa Coastal Union katika mchezo wa Ligi Kuu Tanzania...

DEWJI: CHAMA NI SIMBA HADI 2022

Kiungo huyo raia wa Zambia, aliyetoa mchangomkubwakwaSimbakufikisharobo fainaliyaLigiyaMabingwaAfrikamsimuwa 2018/19, ikiwamo kutwaa ubingwa wa LigiKuuTanzaniaBarakwa misimumitatu mfululizo, awali ilidaiwa alikuwa yupo katika hatuayamwishoyakujiunganaYanga.

Sven aruka kihunzi

NA ASHA KIGUNDULA KOCHA Mkuu wa Simba, Sven Vandenbroeck, ameruka kihunzi na kuwaachia msala nyota wake, Clatous Chama na...

Sarpong ‘aua’ shabiki Simba

Na MWANDISHI WETU, MWANZA BAO la dakika ya 29 lililofungwa na Michael Sarpong wa Yanga juzi, limesababisha kifo cha...
- Advertisement -

More Articles Like This

- Advertisement -