Friday, October 30, 2020

KAGERE: HII NI RASHARASHA, MAMBO MAZURI YANAKUJA

Must Read

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya...

TIMA SIKILO NA SALMA MPELI


MSHAMBULIAJI mpya wa timu ya Simba, Meddie Kagere, ametamba kuwa uwezo waliouonyesha jana katika mchezo wao wa kirafiki dhidi ya Asante Kotoko ya Ghana ni kama mvua za rasharasha, mchezo mzima utaonekana katika Ligi.

Simba juzi walitoa sare ya kufungana 1-1 dhidi ya Asante Kotoko, katika tamasha lao la Simba Day la kutambulisha wachezaji wa timu na viongozi wake.

Akizungumza na BINGWA jana, mshambuliaji huyo alisema matokeo yalikuwa ni ya kawaida, kwani mchezo ulikuwa ni wa kirafiki na si wa kutumia nguvu kubwa kama ambavyo inatakiwa kutumika katika michuano mingine.

Alisema kutoa sare katika mchezo wa kirafiki si kitu kikubwa sana, kwani ile ilikuwa ni katika kumfanya mwalimu kugundua mapungufu yaliyopo katika kikosi chake na kuyarekebisha ili kuyaepuka katika michezo mingine.

“Ile ilikuwa ni mechi ya kirafiki sawa na mazoezi, lakini tulikuwa vizuri na nina imani timu ikikaa pamoja kwa muda mrefu tutafanya vizuri zaidi,” alisema.

Katika hatua nyingine, Kagere alisema hamasa kubwa iliyoonyeshwa na mashabiki wa klabu hiyo juzi kwenye tamasha la Simba Day imemfanya kujiona ana deni kubwa mbele ya mashabiki hao kwenye Ligi.

Alisema wingi wa mashabiki hao waliojitokeza kuisapoti timu yao uwanjani hapo, umempa picha ya namna gani wanahitaji mafanikio makubwa katika Ligi, huku kubwa kwao kama wachezaji ni kuhakikisha sasa wanajituma zaidi ili kufanikisha timu hiyo kutetea taji lao la Ligi hiyo, lakini pia kufika mbali katika michuano ya kimataifa.

“Simba Day ni siku kubwa, lakini hamasa ya mashabiki waliokuja uwanjani kutoa sapoti kwa timu ni ishara tosha ya kutegemea mafanikio makubwa ya klabu yao katika Ligi na hata kwenye michuano ya kimataifa,” alisema Kagere.

Simba, ambao ni mabingwa wa Ligi Kuu Bara, wanatarajiwa kufungua pazia la Ligi Kuu kwa mchezo wa Ngao ya Jamii dhidi ya Mtibwa Sugar, ambao ni mabingwa wa kombe la FA, mchezo utakaopigwa Agosti 18, mwaka huu, katika Uwanja wa CCM Kirumba, Mwanza.

Kikosi cha timu hiyo kilichorejea hivi karibuni kutoka kambini nchini Uturuki, kwa sasa kinaendelea na mazoezi yake kwa ajili ya mchezo huo na michuano ya Ligi Kuu itakayoanza Agosti 22, mwaka huu, dhidi ya Tanzania Prisons, katika Uwanja wa Taifa,  jijini Dar es Salaam.

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika ujumbe kupitia ukurasa wake wa...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya kinda wa zamani wa timu...

Afua Suleiman afunguka ‘Utalijua Jiji’ ilivyompa ustaa mjini

NA JEREMIA ERNEST JINA alilopewa na wazazi wake ni Afua Suleiman na hata alipojitupa kwenye ulimwengu wa muziki wa...

Keche: Kundi maarufu Ghana linalowatamani Diamond, Kiba, Harmonize

JIACHIE na Staa Wako, wiki hii tumetua mpaka Accra, Ghana kwa kundi maarufu la muziki nchini humo, Keche linofanya vizuri na ngoma...
- Advertisement -

More Articles Like This

- Advertisement -