Friday, October 30, 2020

Omog anasa hesabu za Yanga

Must Read

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya...

NA MWANDISHI WETU

JOTO la pambano la watani wa jadi, Simba na Yanga limeanza kupanda, baada ya kocha wa Wekundu wa Msimbazi, Joseph Omog, kusema tayari amesoma mbinu za  wapinzani wao.

Wakongwe hao katika Ligi Kuu ya Vodacom Tanzania Bara, wanatarajia kukutana Oktoba Mosi, mwaka huu, kwenye Uwanja wa Taifa, jijini Dar es Salaam.

Mechi hiyo itakuwa ya kwanza kwa Omog akiwa na Simba dhidi ya Yanga, baada ya kujiunga na timu hiyo katika msimu huu, lakini akiwa anaijua vizuri Yanga kabla, ambayo alikutana nayo mara tatu akiwa kocha wa Azam FC.

Ili kuhakikisha anafuta uteja kwa Yanga, Omog alisema ameendelea kukijenga kikosi chake ili kiweze kupata ushindi katika  kila mechi ya ligi hiyo,  ikiwemo ya watani wao wa jadi.

“Siangalii mechi ya Yanga pekee, lakini kimsingi kama wapinzani wetu nawafuatilia na nawasoma wanavyocheza, kwa kweli ni wazuri, wana hesabu nzuri sana ambazo nazifanyia kazi kuzizima siku hiyo,” alisema Omog.

Katika hatua nyingine, kocha msaidizi wa timu hiyo, Jackson Mayanja, wamewaangalia Yanga na kuibuka na kauli moja kwamba wao wataendelea kusonga mbele baada ya kuifunga bao 1-0 Azam.

Simba walichomoza na ushindi huo katika mechi iliyochezwa juzi kwenye Uwanja wa Uhuru, jijini Dar es Salaam, uliowawezesha kukwea kileleni kutokana na pointi 13, wakifuatiwa na Yanga na Azam, ambao wana pointi 10, lakini wakitofautiana mabao ya kufunga na kufungwa.

Mayanja alisema alifurahi kupata ushindi huo ambao ni muhimu kwa timu yake, kwani malengo yao ni kurejesha heshima ya Msimbazi iliyopotea kwa miaka kadhaa kwa kushindwa kuchukua taji la ligi hiyo.
Alisema baada ya  kukalia usukani wa ligi hiyo hawatarajii kuteremka kutokana na ubora wa kikosi chao msimu huu.

“Tunashukuru kwa  ushindi huu tuliopata, maana tulicheza na timu nzuri na tulihitaji kushinda ili tutimize malengo yetu ya kukaa kileleni,  hatufikirii kushuka tena,” alisema Mayanja.

Wachezaji wa timu hiyo wamepewa siku mbili za mapumziko, ambapo kesho wataanza  mazoezi kujiandaa na mechi itakayofuata dhidi ya Majimaji, itakayochezwa  Septemba 24, mwaka huu, kwenye Uwanja wa Uhuru, Dar es Salaam.

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

Hamilton avunja rekodi Ureno

LISBON, Ureno STAA wa mbio za magari Lewis Hamilton, amevunja rekodi ya Valtteri...

Ronaldinho naye ana Corona

RIO, Brazil MKONGWE wa Brazil, Ronaldinho, amethibitishwa ana virusi vya corona. Ronaldinho aliandika ujumbe kupitia ukurasa wake wa...

Sterling amlilia kinda wao Man City

MANCHESTER, England WINGA wa Manchester City, Raheem Sterling, ameandika ujumbe wa majonzi baada ya kinda wa zamani wa timu...

Afua Suleiman afunguka ‘Utalijua Jiji’ ilivyompa ustaa mjini

NA JEREMIA ERNEST JINA alilopewa na wazazi wake ni Afua Suleiman na hata alipojitupa kwenye ulimwengu wa muziki wa...

Keche: Kundi maarufu Ghana linalowatamani Diamond, Kiba, Harmonize

JIACHIE na Staa Wako, wiki hii tumetua mpaka Accra, Ghana kwa kundi maarufu la muziki nchini humo, Keche linofanya vizuri na ngoma...
- Advertisement -

More Articles Like This

- Advertisement -