Sunday, January 17, 2021

WAZAZI BADO HAWAJUI UMUHIMU WA MICHEZO KWA WATOTO

Must Read

Usiyoyajua sare ya Leicester, United

NI katika mechi ya Ligi Kuu ya England iliyomalizika kwa sare ya mabaon 2-2.-Man United wamemiliki mpira...

Eti Zidane anapangiwa kikosi!

IMEFICHUKA kuwa wachezaji waandamizi wa Real Madrid walikaa kikao na Zinedine Zidane kumwambia wachezaji anaopaswa kuwapanga na...

DIDA ASAINI IHEFU FC

Golikipa wa zamani wa Yanga na Simba, Deogratius Munishi ‘Dida’ amejiunga na Timu ya Ihefu inayoshiliki Ligi...

NA WINFRIDA MTOI

LICHA ya kuwa michezo imekuwa ni ajira kubwa ulimwenguni kote, bado wazazi wameonekana kukosa uelewa juu ya umuhimu wa kumjenga mtoto katika michezo angali akiwa na umri mdogo.

Wazazi wengi wamekuwa wakichukulia michezo ni kitu cha mwisho katika mambo mengi wanayofikiria kuhusu  maisha ya watoto wao na kuwafanya washindwe kugundua vipaji vyao na matokeo yake vinapotea.

Ifahamike kuwa ili kumjenga mtoto katika misingi bora ya maisha yake ya baadaye, lazima kuanzia chini wakati akiwa na umri mdogo. Katika umri huu ndipo unapobaini mtoto wako ana kipaji gani  ili  kuweza kumwendeleza na kile kitu anachokimudu na kukipenda.

Wapo watoto wengi wenye vipaji vya michezo lakini wazazi ndio wamekuwa wagumu kutoa nafasi kwao. Wenzetu katika nchi zilizoendelea wamekuwa wakihusudu zaidi kipaji cha mtoto hasa katika michezo na ndio sababu wameweza kupatikana kina Ronaldo na Messi na wengine wanaowika duniani.

Huku kwetu jambo hilo limekuwa ni gumu kwa wazazi wengi na matokeo yake wanaangalia kile wanachokiona wao kimewafanikisha.

Hilo ni kosa, kwani kila mwanadamu anazaliwa na kipaji chake na wachache ndio wanaweza kuwa na vipaji sawa na wazazi au wengine hurithi kulingana na  yale wanayokuta wazazi wakifanya na kupendezewa kuwa kama walivyo.

Nimekuwa nikitembelea mara nyingi katika kituo cha michezo kwa vijana cha Jakaya Mrisho Kikwete (JMK Youth Sports Centre), Kidongo Chekundu, jijini Dar es Salaam na kubaini jambo hili kuwa wazazi hawatoi kipaumbele wa watoto wao juu ya kujifunza michezo.

Katika kituo hiki kuna programu za michezo mbalimbali zinaendeshwa kwa watoto, lakini imekuwa ngumu kwa wazazi wa Kitanzania kuhamasisha watoto wao kwenda sehemu hiyo.

Kituo hicho hakina masharti makubwa ya mtoto kuingia maeneo hayo na kucheza na kujifunza michezo zaidi ya kusajiliwa na kufuata taratibu, huku programu nyingi zikiwa zinaendeshwa jioni baada ya masomo.

Mara nyingi ninapokuwa maeneo hayo, wazazi ninaoona wameongozana na watoto wao kuwapeleka eneo hilo ni wale wa kigeni wanaoishi nchini.

Isitoshe programu zinaendeshwa bila malipo yoyote labda kwa wale wanaoishi hapo hapo wana taratibu zao nyingine wanazopewa na uongozi.

Hapo mtoto anapata vifaa vyote vya kujifunzia mchezo anaopenda na walimu wenye taaluma hiyo, lakini cha ajabu imekuwa ngumu kwa wazazi kuunga mkono jitihada hizo.

Ukweli ni kwamba, wapo watoto wengi wenye vipaji na wanaopenda kucheza michezo tofauti, mfano mzuri ukiwa nje ya kituo hicho utaona watoto wengi wakichungulia na kufurahia kinachoendelea humo lakini wamekosa mwongozo wa wazazi au kuhofia kwenda kuadhibiwa nyumbani wanaporudi wamechelewa.

Zipo shule zenye utaratibu wa kupeleka wanafunzi wao katika kituo hicho na kushiriki mashindano yanayoandaliwa kituoni hapo, lakini hiyo haiwezi kumsadia mtoto kama atakuwa anakosa sapoti ya mzazi wake.

Wazazi wanatakiwa kutambua kwamba, michezo hivi sasa ni ajira na haichezwi kwa kujifurahisha kama zamani na ndio sababu katika nchi nyingi duniani wawekezaji na kampuni nyingi wameamua kuwekeza zaidi katika michezo.

Hiyo ni moja ya fursa wazazi wanayotakiwa kutumia hasa wale waliopo maeneo ya karibu na kituo hicho kutoa nafasi kwa watoto wao kucheza, kwani kumjenga mtoto wako katika michezo na kuondokana na ile dhana ya kuona michezo itampotezea muda wa kusoma mtoto wako.

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

Usiyoyajua sare ya Leicester, United

NI katika mechi ya Ligi Kuu ya England iliyomalizika kwa sare ya mabaon 2-2.-Man United wamemiliki mpira...

Eti Zidane anapangiwa kikosi!

IMEFICHUKA kuwa wachezaji waandamizi wa Real Madrid walikaa kikao na Zinedine Zidane kumwambia wachezaji anaopaswa kuwapanga na ndiyo maana timu hiyo imeshinda...

DIDA ASAINI IHEFU FC

Golikipa wa zamani wa Yanga na Simba, Deogratius Munishi ‘Dida’ amejiunga na Timu ya Ihefu inayoshiliki Ligi Kuu Tanzania Bara katika kipindi...

JDart Nation wapanga kutawala Africa

CHRISTOPHER MSEKENA MWANAMUZIKI na bosi wa JDart Nation, JDart, amesema miongoni mwa mipango yake kwa mwaka 2021 ni kuhakikisha...

HUJUMA NZITO YANGA

NA WINFRIDA MTOI UONGOZI wa Yanga upo katika harakati za kuhamishia mechi zao zilizobaki za Ligi Kuu Tanzania Bara...
- Advertisement -

More Articles Like This

- Advertisement -